MGA
PATAAS AT PABABA 2
By Tess Clarin
On the average, napakahirap
ng hagdanan patungo sa kasikatan pero
mas mahirap ma-maintain ang kasikatan.
At karamihan ng sumikat na artista
ay nagdaan sa katakot-takot na hirap
kaya nakakahinayang kung bigla ang
pagkalaos.
Take for instance si
Julia Clarete. Hindi naman biro ang
pathway to stardom na dinaanan niya.
After a series of TV guesting and
bit roles, kinuha si Julia sa Eat
Bulaga as one of the hosts. Dahil
matindi talaga ang Eat Bulaga sa pagpapasikat
ng talent, naging sikat nga si Julia
kahit paano. Sumali pa siya sa Hollywood
Idol search ng ABC-5 kaya lalong nahasa
ang galing ni Julia. At hindi pa dun
nagtapos ang success ng bata dahil
nabigyan pa siya ng break para mag-record
ng isang album. In short, na-recognize
talaga ang skills and talents ni Julia.
Kaya nga lang lately
ay sumabit si Julia sa ngalan ng pag-ibig.
Bigla siyang naglahong parang bula
because of undue pregnancy. Nabuntis
nga at para siguro maging controversial
kaya ayaw i-reveal kung sino ang may
kagagawan. Anyway, lubog na ang bituin
ni Julia ngayon at hindi natin alam
kung kaya pa niyang bumangon.
Parang sinundan ni Julia
ang mga footsteps ni Janice De Belen
noong araw. Masakit isipin na sa kasikatan
ni Janice ay masisira siya sa ngalan
ng pag-ibig. That was long ago and
now nakita natin na hindi na talaga
nakabawi si Janice.
Mula pa rin sa Eat Bulaga
ay soaring to greater heights ang
star ni Jericho Rosales. Nakipagbanggaan
ang Mr. Pogi sa mga kapuwa niya aspiring
male stars. Hindi naman siya nabigo
dahil unti-unti ay umangat siya hanggang
lumutang pa nga. Lumalabas na siya
na ang pinakasikat sa kanyang batch
na kasama si Rico Yan, Marvin Agustin,
Diether Ocampo atbp.
JERICHO
ROSALES
Sikat sa TV si Jericho
at lalong sikat siya sa movies. Nakakapagtaka
tuloy kung bakit nag-flop ang latest
movie niya na bio film ni Manny Pacquiao.
Kung tutuusin ay sikat din si Manny
kaya talagang nakakapagtaka. Ang pagkalugi
ng nasabing bio-film ay nagbigay ng
heartache kay Jericho kaya he decided
to quit the TV and movies for now.
Magko-concentrate na lang daw muna
siya sa singing career. Pero may singing
career ba siya talaga?
Kaiba sa kaso ni Julia,
madaling makabangon si Jericho. Pero
dapat piliin ang kanyang project dahil
oras na sumabit ulit siya ay baka
wala na siyang paglagyan. Merong nagsasabi
na si Heart Evangelista ang malas
kay Jericho. Hindi man totoo ang malas
ay maaaring si Heart nga ang dahilan.
May mga fans na ayaw magkaroon ng
real-life sweetheart ang kanilang
idol. At dahil karapat-dapat si Heart,
sabi nga perfect combination sila
ni Jericho, kaya maraming naiinggit.
Sa music scene ay nabingi
tayo sa rap na Stupid Love courtesy
of Salbakuta. Magaling ang gimmick
ni Andrew E, ang manager ng nasabing
grupo. Kahit walang binatbat ang mga
hitsura nila na akala mo mga basurero
o tambay sa kanto ay naka-akyat sila
sa hagdan ng tagumpay. Big hit ang
ilang album nila. Ang dahilan? Binugbog
ng mga rap nila ang tenga ng mga tao,
sa radyo o kahit saang mall na may
record bar. Malaking puhunan ang pinakawalan
nila para lang makilala. At merong
nagsasabi na hindi kumita ang mga
album ng Salbakuta dahil lugi pa sila
sa promotion.
Pero kung ang pagsikat
ang pag-uusapan, sumikat nga ang Salbakuta.
Pero paglubog nila ay nakalimutan
na sila ng tao at sa palagay ko ay
hindi na nila maibabalik ang hiram
na kasikatan. Ang dahilan? Walang
kuwenta ang kanilang produkto. Natuwa
lang siguro ang mga tao sa kabaguhan
ng rap nila dahil bagong style. Pero
hindi naman nagtagal at natauhan din
ang mga tao.
Pareho ng kaso ni Lito
Camo. Spagheting pataas siya tapos
spagheting pababa. Gaya ng Salbakuta,
pinatunayan ni Lito na kahit basura
ang kanta ay puwedeng pasikatin kahit
sandali lang. Kaya nga sinamantala
niya ang kasikatan, panay ang labas
ng mga kanta. Mula sa sexbomb ay nakiambos
na ang ilang singers gaya ni K Brosas
sa kantang Sasakyan Kita. Again, limot
na ng tao ang mga novelty songs dahil
madaling lumipas ang mga kantang walang
laman.
And speaking of spagheti,
ganun din ang nangyari sa Sex Bomb
Girls. Matapos pumailanlang nang halos
walang katapusan ang kanilang mga
album ay bigla silang sinibak sa Eat
Bulaga. Admittedly hindi pa totoong
lubog ang Sex Bomb dahil may TV drama
pa sila sa hapon. Pero malapit na
silang makalimutan ng mga TV viewers
dahil sa pagsulpot ng EB Babes. Choice
cut ang EB Babes dahil mabigat ang
audition at pati ang training.
Hindi gaya ng mga artista,
ang mga newscaster ay nakatuntong,
hindi lang sa kanilang charisma kundi
sa husay ng kanilang pagre-report.
Yan ang sinakyan ni Loren Legarda
para maging senador. Si Ted Failon
ay naging congressman naman sa tulong
din ng kanyang pagiging broadcaster.
Si Kabayan Noli De Castro ay naging
vice president dahil sa kanyang news
reporting at sa Magandang Gabi Bayan.
Tuwing election period ay makikita
sa bandang itaas ng survey ang pangalan
ni Korina Sanchez. Ngunit matibay
ang prinsipyo ni Korina dahil ni minsan
ay hindi sumagi sa isipan niya ang
kumandidato sa anumang posisyon. Ganun
din si Mike Enriquez, kuntento na
siya sa pagiging broadcaster.
Pagkatapos ng isang
term bilang congressman ay nagbalik
si Ted Failon sa radyo. Tumaas ang
rating ng kanilang program ni Korina
sa DZMM. Nakita raw niya kung gaano
kadumi ang pulitika kaya ayaw na niya.
Pero sa radyo ay walang kahirap-hirap
ang muling pagsikat ni Ted Failon.
Gaya ng sabi ko, ang kasikatan ng
broadcaster ay dahil sa kanilang galing
at husay.
Noon ay sikat na singer
si Agot Isidro. Lalo pa siyang sumikat
nang mapunta sa TV at naging partner
ni Aga Muhlach sa Oki-doki-Dok. Ilang
taon din ang sitcom at dahil leading
lady ang papel ni Agot doon kaya hindi
biro ang naging kasikatan niya. Nang
mag-asawa ay nawala si Agot sa eksena.
Pero ngayon ay eto na naman siya.
Umpisa ulit sa pagkanta. Pero dahil
Bossa Nova tune ang type niyang music
kaya malamang na hindi siya makaangat.
Ang isang magaling na
artistang nawawala ay si Nova Villa.
Matapos maging bida at bago mabaon
sa pagkalaos ay nag-iba ng style si
Nova. Sabi nga, she reinvented herself.
Naging comedian si Nova at nag-click
siya agad sa Chicks to Chicks. Isa
si Nova sa natatanging comedian na
dati nang bida. Sa pagkawala ng Chicks
To Chicks ay nanatili si Nova sa eksena
sa pamamagitan ng Home Along D Riles.
Si Dolphy ang ka-love team niya kaya
there’s no doubt na mahirap
siyang bumagsak. Pero may katapusan
din dahil nawala sa TV ang Home Along
D Riles at nawala na rin si Nova.
Sa huling balita ay nasa Tagaytay
siya at namamahinga sa kanyang rest
house.
Sa pagkawala ni Nova
ay parang pinalitan siya ni Susan
Roces sa piling ni Dolphy. Hindi man
love team ang kanilang setup ay parang
ganun na rin yun dahil sila ang nagbabatuhan
ng jokes. Pumatok sa ratings ang unang
episode nun pero nalaglag na rin lately
dahil siguro nagsawa ang tao. But
definitely hindi kay Susan nagsawa
ang tao dahil alam naman natin na
sa dami ng fans ni Susan ay mahirap
siyang malaos. Isa na si Tita Cory
Aquino sa mga loyal fans niya.
Lastly, the ever durable
Dolphy may stay on top until his very
end. Mukhang kamatayan lamang ang
magpapahinto sa kasikatan ni Dolphy.
Bukod sa galing niya sa acting at
sa husay magpatawa, napakabait ni
Dolphy sa kayang pamilya, sa mga kaibigan
at pati na sa mga taong hindi niya
kilala. Noted si Dolphy sa pagiging
matulungin kaya siguro nagtagal siya
ng husto sa showbiz. Ang pakikisama
ay napaka-importante lalo na sa mga
maliliit na taong tulad ng mga P.A.
at utility. Kaya doble-hanga ang mga
tao kay Dolphy dahil sa galing ng
kanyang pakikisama.
Marami pang sisikat
at marami din ang malalaos. Sana meron
tayong isang grupo na magdo-document
ng mga photos at bio data ng mga artistang
nagsusulputan para sa pagdating ng
araw ay maipapaalam natin sa mga bata
kung sino-sino ang mga mukha sa ating
TV at sa movies.
Para sa mga reaksyon,
maaari kayong mag-email sa tessclarin@yahoo.com.
